„The Gray Man“ е најскапиот филм на Netflix кој наиде на критики, но сепак обожавателите го гледаат поради еден детаљ.
Браќата Русо вложија 200 милиони долари во овој филм, но иако критичарите не се одушевени од него, не може да се каже истото за обожавателите кои го гледаат филмот само поради еден детаљ, изгледот на Крис Еванс.
Акциониот трилер го следи животот на ЦИА агент Курт Гентри (Рајан Гослинг) кој открива мрачна тајна во организацијата во која работи, а неговото откритие го следи Лојд Хадсон (Крис Еванс), немилосрден убиец кој мора да го убие Гентри пред тој да ја обелодени мрачната тајна во јавност.
Но, изгледа дека дејството падна во втор план бидејќи сите зборуваат само за еден детаљ, мустаќите на Крис Еванс кои се во стилот на 70-тите години, пишува LadBible.
Феноменот веќе доби и официјално име „The Evans effect“ и соодветен хаштаг на Твитер, #TrashStache.
Ентони Русо, еден од режисерите на филмот, во интерју за Insider откри дека мустаќите биле идеја на Еванс, па сега ги има и на продажба.
Филмот ќе се прикажува од 22 јули.
