Ол-стар натпреварот на НБА лигата во 2026 година ќе се игра во Лос Анџелес, објавено е на официјалниот сајт на натпреварувањето.
Ол-стар натпреварот во НБА во 2026 година ќе се игра во новиот „Интуит Доум“ на Лос Анџелес Клиперс во Инглвуд, а Ол-стар натпреварот е предвиден да се игра на 15 февруари 2026.
НБА потсетува дека Ол-стар викендот ќе се игра во Лос Анџелес по седми пат, а за прв пат во „Интуит Доум“ кој ќе биде отворен пред почетокот на следната сезона. Клиперс планираат да се вселат во новата арена во јуни годинава. Свеченото отворање на новата сала е планирано за август.
Комесарот на НБА, Адам Силвер, помина еден час во обиколка на локацијата заедно со претседателот на ЛА Клиперс, Стив Балмер, претседателот на Клиперс за деловни операции, Џилиан Зукер, градоначалникот на Лос Анџелес, Карен Бас и градоначалникот на Инглвуд, Џејмс Батс.
„Добрата вест е што во арената ќе се одигра кошаркарска сезона пред Ол-стар натпреварот и тоа ќе биде можност да се увериме дека сè е на ниво. Ќе беше поризичен предлог ако одлучевме дека Ол-стар натпреварот ќе се игра тука следната сезона“, рече Силвер.
Ол-стар викендот во 2026 година ќе започне на 13 февруари со натпреварот на ѕвездите во подем, ден потоа ќе следи натпреварот за вештини, 3 поени и забивање, а последниот ден и Ол-стар натпреварот на 15 февруари.
Годинава Ол-стар викендот ќе се одржи во Индијанаполис, а во Сан Франциско наредната 2025 година.