Северзападните делови од земјава синоќа беа зафатени од нестабилна воздушна маса, која од Косово преку Шар Планина се префрли кон северниот дел од Полошката котлина и има правец на движење кон исток, при што беше зафатен и западниот дел од Скопската котлина.
Дождот беше проследен со силни електрични празнења.
Од УХМР информираат дека денеска на повеќе места ќе биде нестабилно со пороен дожд и грмежи.
Локално процесите ќе бидат поинтензивни, во форма на невреме со обилен пороен дожд, електрични празнења, засилен ветер и услови за појава на град.
Дневната температура ќе опадне за околу 6 степени.
