Новата документарна серија за секогаш популарните вонземјани ќе ја има својата премиера за неполн месец.
Netflix објави официјален трејлер за документарната серија насловена како „Top Secret UFO Projects: Declassified“ која се заминава со мистериозната проблематика на НЛО и посета на вонземјани на Земјата.
Серијата длабоко навлегува во идејата дека вонземјаните постојат, дека се дојдени на Земјата и дека светските влади тоа одамна го знаат, но го кријат од остатокот од светското население.
„Top Secret UFO Projects: Declassified“ ќе биде достапна за широкиот аудиториот на вљубеници во НЛО мистеријата почнувајќи од 3 август.
Како што може да се чуе од трејлерот, бидејќи не се појавува со слика, во серијата учествува и поранешниот вработен во министерството за одбрана на Обединетото Кралство, Ник Поуп, кој таму работел токму со задача испитување на НЛО феноменот. Покрај со книгата „Open Skies, Closed Minds“ тој се прослави и со појавувањата во популарната документарна серија „Ancient Aliens“ на Prometheus Entertainment која трае веќе 16 сезони.
