Низ фотографии: Пеколни температури во Австралија

Плажите во Сиднеј се преполни со луѓе откако викендов беа измерени над 40 степени Целзиусови, со што е постигнат рекордот за најтопла ноќ во ноември откако е почнато мерењето пред 160 години.

Плажата Бонди беше преполна со луѓе кои бегство од жештините побараа токму овде, трудејќи се да одржат физичка дистанца. Исто така, преполни беа базенот Бронте и плажата Кловели во Сиднеј, пренесе Guardian.

Делови од Австралија, вклучително и Сиднеј, ја поминаа најтоплата ноќ во ноември, а температурите се очекува да останат високи и во текот на денешниот ден, поради што властите ги огласија алармите за предупредување од можни пожари.