Иако уби 77 луѓе, осудениот терорист Андерс Брејвик би можел порано да излезе од затвор доколку норвешкиот суд го прифати неговото барање за условна слобода.
Сослушувањето, кое се однесува на условното ослободување на Брејвик, ќе се одржи денеска, по повеќе од 10 години откако во напад уби 77 лица и повреди стотина.
Тоа беше најсмртоносниот напад во Норвешка од Втората светска војна.
Сослушувањето на Брејвик е закажано во Дистриктивниот суд во Скиен. Доколку барањето не биде усвоено, убиецот може да поднесе ново барање следната година.
Обвинителката Хулда Карлсдотр за Reuters изјави дека Брејвик мора да остане во затвор за да се заштити општеството. Тој има отслужено половина казна од 21 година, колку што е осуден. Станува збор за максималната казна што може да ја одреди норвешкиот суд.
Но, ако и на истекот на казната се заклучи дека и понатаму е закана за општеството, ќе остане зад решетки.
Брејвик во 2012 година беше осуден на 21 година затвор откако на 22 јули 2011 година изведе два терористички напади, уби 77 лица и рани стотина млади луѓе.
