Нов напад длабоко на руска територија: Дронови погодија нафтена рафинерија

Според руските медиуми, во средата наутро имало нов напад длабоко на руската територија.

Во Рјазан избувна пожар во реонот на нафтена рафинерија по напад со дрон, објави гувернерот Павел Малков.

Претставник на итната служба потврди за РИА Новости дека четири украински авиони ја нападнале рафинеријата и дека два објекта горат.

Ова е втор напад на украински беспилотни летала врз голем објект на руската нафтена инфраструктура за еден ден: во вторникот вечерта, по нападот со дрон, избувна пожар на територијата на фабриката во градот Кстово во Нижни Новгородската област.

Рјазан е главен град на регионот Рјазан и е оддалечен 196 километри од Москва.

Украинските сили извршија масовен напад со беспилотни летала ноќта меѓу 12 и 13 март, а руското Министерство за одбрана соопшти дека во текот на ноќта и утрото уништиле 58 беспилотни летала, пренесува Известиа.