Од Македонија ќе се лета на пет нови локациии. Два авио-превозници, односно Lufthansa од Германија и Wizz Air од Унгарија воведуваат нови авио-линии по поддршката која ја добија од Македонија. Линиите се до Германија, Луксембург, Австрија и Словенија.
„Обезбедивме нови дестинации за нашите граѓани. Lufthansa ќе лета од Скопје до Франкфурт и тоа 10 пати неделно. Оваа линија се обраќа од 23 април годинава. Сметаме дека е од големо значење за државата, но и граѓаните, оти аеродромот во Франкфурт е еден од најголемите во Европа и поврзува со меѓународни дестинации. Wizz Air ги достави следните дестинации Скопје-Штутгард, Скопје-Луксембург, Скопје-Салцбург, Скопје-Љубљана за која имаше огромен интерес од граѓаните и бизнис заедницата. Кон овие дестинации планирани се три летови во неделата. Планирано е воведување на овие линии од 1 ноември оваа година. Во однос на субвенциите, финансиската поддршка е за три години“, рече министерот Благој Бочварски
Вкупната поддршка за авиокомпаниите е 5 милиони евра за три години, кажа премиерот Димитар Ковачевски.
„Германска авио компанија Lufthansa и унгарската Wizz Air се пријавија и се склучени договори. Финансиската поддршка е за три години, а изнесува 5 милиони евра за трите години. Тие ќе летаат неколкупати дневно. Преку Франкфурт, нашите граѓани ќе се поврзат со 200 локации“, кажа Ковачевски.
Во овој момент има 48 локации до каде може да се лета од Македонија. 41 се од скопскиот аеродром и 7 од аеродромот во Охрид.
