Нов Зеланд повторно има заразени од коронавирус, и покрај тоа што минатиот понеделник прогласија крај на епидемијата. Две жени кои допатувале од Лондон се позитивни на COVID-19.
Пред да бидат тестирани, на жените им била дадена дозвола да го напуштат карантинот за да го видат родителот кој бил на смртна постела при што им дозволиле да патуваат од Окланд до Велингтон со автомобил.
Тамошните власти изјавија дека жените во текот на патувањето со автомобил немале контакти со други луѓе.
Властите во Нов Зеланд започнаа со тестирање на сите оние кои претходно биле во контакт со тие две жени, а тоа ги вклучува и патниците во авионот, луѓето во хотелот во Окланд каде што биле сместени во карантин, членовите на нивните семејства со кои се сретнале во Велингтон.
Жените се сместени во изолација во Велингтон, а погребот на нивниот родител е откажан додека оздрават.