Ансу Фати стана најмладиот стрелец во историјата на фудбалската репрезентација на Шпанија откако на неполни 18 години постигна погодок против украина на меч од Лигата на нации.
Фати го постигна сензационалниот гол во 32. минута, откако три дена претходно стана најмладиот играч кој дебитирал за шпанската репрезентација од 1936 година наваму.
Со погодокот против Украина стана најмладиот стрелец во историјата на фудбалската репрезентација на Шпанија – на 31 октомври ќе наполни 18 години.
Лани Фати стана најмладиот фудбалер во историјата на шпанската Ла Лига кој постигнал два гола на еден натпревар, а првиот рекорд го сруши на 25 август 2019 година кога стана најмладиот играч кој заиграл за првиот тим на Барселона во лигата со само 16 години и 298 дена.
Само шест дена подоцна, на 31 август 2019 година го испиша новиот рекорд – стана најмладиот играч кој поентирал за Барса во Ла Лига, на мечот против Осасуна. Тогаш имаше 16 години и 304 дена.
Фати е и најмладиот играч кој постигнал гол на Камп Ноу.
На 16 години и 321 ден Фати стана најмладиот играч во историјата на Барса кој заиграл на натпревар во Ла Лига, а со 17 години и 40 дена на натпреварот против Интер стана најмладиот играч на ова натпреварување кој постигнал гол.
Со право ја носи титулата „Новиот Меси“ и се надеваме дека неговата ѕвезда само ќе продолжи да сјае.