Претседателот на Русија, Владимир Путин нема да им честита Нова година на американскиот и францускиот претседател Џо Бајден и Емануел Макрон, како и на германскиот канцелар Олаф Шолц, соопшти денеска Кремљ.
– Овие колеги не ни честитаат. Всушност, ние немаме никаков контакт со нив. А земајќи ги предвид непријателските потези што постојано ги преземаат, претседателот нема да им честита, изјави портпаролот на рускиот претседател, Дмитриј Песков.
Путин, пак, испрати честитки за Нова година на адреси на неколку светски лидери блиски до Кремљ. Според списокот што денеска го објави неговиот кабинет, станува збор за кинескиот претседател Си Џинпинг, турскиот претседател Реџеп Тајип Ердоган, сирискиот претседател Башар ал Асад, српскиот претседател Александар Вучиќ, унгарскиот претседател Виктор Орбан, претседателот на Венецуела Николас Мадуро, индискиот премиер Нарендра Моди, Бразилскиот претседател Жаир Болсонару, боливискиот претседсател Луис Арсе, белорускиот лидер Александр Лукашенко, како и на лидерите на поранешните советски републики Азербејџан, Ерменија, Казахстан, Киргистан, Таџикистан, Туркменистан и Узбекистан, на Виетнам, Куба, Никарагва и на отцепените од Грузија де факто независни Абхазија и Јужна Осетија.
Тој им честиташе и на Силвио Берлускони и на поранешниот германски канцелар Герхард Шредер.