Hollywood Foreign Press Association ги откри номинираните за Златен глобус во 2021 година. Сара Џесика Паркер и Тараџи П. Хенсон ги прочитаа номинираните, а доделувањето на наградите е закажано за 28 февруари и шоуто ќе го водат Тина Феј и Ејми Полер.
Со најмногу номинации се издвојуваат неколку проекти на Netflix, серијата „The Crown“ води со 6 номинации, а комедијата „Schitt’s Creek“ со 5, додека светскиот хит „The Queen’s Gambit“ има 3 номинации.
За најдобра драма се номинирани „The Father“, „Mank“, „Nomadland“, „Promising Young Woman“ и „The Trial Of The Chicago 7“.
Од актерите, за Златен глобус се номинирани Риз Ахмед, Ентони Хопкинс, Гери Олдман, Чедвик Босман (постхумно) и Тахар Рахим. Кога станува збор за актерките, овие имиња се издвојуваат: Вајола Дејвис, Кери Малиган, Ванеса Кирби, Андра Деј и Френсис Мекдорманд.
Во категоријата за најдобра споредна улога се номинирани актерките Глен Клоуз („Hillbilly Elegy“), Џоди Фостер („The Mauritanian“), Хелена Зенгер („News of the World“), Оливија Колман („The Father“) и Аманда Сејфрид („Mank“).
За најдобра споредна улога се номинирани овие актери: Саша Барон Коен („The Trial of the Chicago 7“), Даниел Калуја („Judas and the Black Messiah“), Џеред Лето („The Little Things“), Бил Муреј („On the Rocks“) и Лесли Одом Џуниор („One Night in Miami“).
Најдобра драма, ТВ-серија: „The Crown“, „Lovecraft Country“, „The Mandalorian“, „“Ozark, Ratched.
Најдобар анимиран филм: „The Croods: A New Age“, „Onward“, „Over the Moon“, „Soul“, „Wolfwalkers“.
Целосната листа може да ја видите овде.