Претежно облачно време ќе преовладува денеска, претпладне во западните делови со повремени врнежи од дожд, кои до крајот на денот ќе се прошират насекаде. На планините и на некои повисоки места до вечер врнежите ќе поминат во снег.
Попладне и во ноќните часови ќе дува засилен северозападен ветер, кој на моменти ќе достигнува брзина над 70 километри на час и ќе предизвика нагло опаѓање на температурата на воздухот.
Утринската температура ќе се движи од 2 до 7 степени, додека дневната ќе биде во интервал од 7 до 15 степени.
Во Скопје и околината слично време со температура до 11 степени.
Вo петок во утринските часови врнежите постепено ќе престануваат. Потоа во наредните денови ќе преовладува стабилно, но посвежо време.