Во Македонија денеска е претежно облачно и студено, во западните делови со локален слаб снег. Долж Повардарието и на повисоките места дува умерен до засилен северен ветер.
Во текот на денот, времето ќе биде претежно облачно, ветровито и студено со повремен локален снег со послаб интензитет. Попладне врнежите ќе престануваат. Ќе дува умерен до засилен северен ветер, на моменти на места со брзина до 80 км/час. Дневната температура ќе биде во интервал од -4 до 2 степена.
Во Скопје и околината се очекува облачно, ветровито и студено време, со повремено провејување на снег, особено претпладне. Дневната температура околу -2 степена.
