Најстариот затвореник во Гвантанамо, 74-годишен Пакистанец, е ослободен и денес се врати во Пакистан, соопшти пакистанското Министерство за надворешни работи.
Саjфула Парача се вратил во Пакистан по 19 години минати во затвор во американската воена база на Куба.
Парача бил приведен во 2003 година по апсење во Тајланд под сомнение дека имал врски со Ал Каеда, но никогаш не бил осуден. Во мај минатата година му било соопштено дека е ослободен од затвор.
Парача живеел во Њујорк, каде што поседувал имот, а бил претприемач во Пакистан. Обвинет бил дека финансиски поддржал двајца заговорници за терористичките напади врз САД на 11 септември 2001 година.
Парача цело време негирал дека е вмешан во тероризам, односно не знаел дека станува збор за членови на Ал Каеда. За овие обвинувања Пакистанецот одлежал казна затвор од 19 години.