Ерик Јуан, основач на американската компанија Zoom Video Communications, за само неколку часа стана побогат за 4,2 милијарди долари, објави Bloomerg.
На берзата вчера, акциите на Zoom, која нуди главно услуги поврзани со видеоврски и видео-конференции, за неколку часа пораснаа за околу 26 отсто, на скоро 410 долари. Според познавачите, ако овој тренд продолжи уште еден ден, богатството на Јуан ќе надмине 20 милијарди долари.
Акциите на компанијата нагло пораснаа по објавувањето на позитивните извештаи на компанијата. Јуан е извршен директор, претседател на бордот директори и сопственик на Zoom.
Популарноста на апликацијата Zoom значително се зголеми за време на пандемијата на коронавирусот, кога многу луѓе ги почувствуваа потребите од интернет комуникацијата.
