Неколкумина патници се повредени при експлозија во воз во лондонското метро. Тие се здобиле со изгореници на лицето, јавуваат светските медиуми, а некои се повредени во стампедото што настанало по експлозијата.
Според полицијата, експлозијата се случила на станицата „Parsons grin” во западниот дел на Лондон и дека полицијата и итната медицинска помош се веќе на местото на настанот.
Полицијата засега е воздржана околу информациите кои се шират на социјалните мрежи и соопштуваат дека повеќе детали за експлозијата ќе бидат изнесени кога ќе имаат подетални сознанија.
Во прекин е сообраќајот во подземната железница меѓу станиците „Erls kort” i „Vimbldon”.
Се претпоставува дека експлозивната направа била во торба оставена во возот, а на снимките и фотографиите од местото на настанот може да се види запалената торба ставена во канта.
Како што наведува BBC, не може да се види местото каде се случила експлозијата.
На социјалните мрежи се појавија фотографии на кои може да се видат луѓе како панично бегаат од местото на несреќата.
