Високите температури кои периодов го зафатија скопското подрачје носат зголемена опасност од настанување на пожари на отворен простор, поради што од Јавното претпријатие „Паркови и зеленило“ упатија апел до сите граѓани за зголемена будност и мобилност.
„Со цел да се спречат несакани последици, апелираме да не се пали оган на отворен простор, да не се фрлаат пластични и стаклени шишиња, да не се врши палење на отпад и друг горлив материјал и да не се фрлаат отпушоци од цигари и догорчиња“.
Доколку забележите пожар може да пријавите на тел. 193 Противпожарна бригада, на тел. 112 во Центарот за управување со кризи, или на 070268936, дежурниот број на ЈП „Паркови и зеленило“.