Перфекционизмот на Bugatti ги вклучува и услугите на метролог.
Неговата работа на почетокот звучи досадно и неважно. Да, ако произведува обичен голем сериски автомобил, но не кога станува збор за Bugatti и неговиот перфекционизам.
Со помош на специјална мерна опрема го проверува секој дел од автомобилот следејќи ги соодветните процедури. Тој користи рачни алатки, но и 3Д скенер со прецизност од дури 0,005 мм.
Bugatti со гордост го претставува Грегоар Халер-Мејер, човекот кој се грижи растојанието помеѓу два дела на Chiron да биде во дозволените граници.
„Морам да најдам причина ако растојанието помеѓу две компоненти отстапува од нашите специфицирани толеранции за само еден милиметар“, објаснува Халер-Мејер.
Ако го измери отстапувањето, Халер-Мејер мора да ја утврди причината и врз основа на тоа, во соработка со други специјалисти, да го најде оптималното решение за проблемот. Најчесто тоа се замена на компонента или адаптација на постоечка.
Халер-Мејер нагласува дека тоа е само еден дел од неговата работа.
„Вториот дел од работата е за анализа на податоци за да се гарантираат и постојано да се подобруваат нашите стандарди за квалитет и да се обезбеди апсолутна врвна завршница на хиперспортските автомобили што ги создаваме“.
Bugatti забележува дека истите стандарди важат за сите нивни производи, од Chiron до уникатниот La Voiture Noire.
