Кремљ објави дека рускиот претседател Владимир Путин е во добра здравствена состојба, отфрлајќи ги гласините дека не е добро.
Портпаролот на Кремљ, Дмитриј Песков, изјави за новинарите дека во последните месеци на Запад имало шпекулации за здравјето на претседателот, но дека информациите дека тој е болен се „чиста лага“.
Путин се закашла за време на јавен настап во средата, кога новинската агенција Интерфакс ја цитираше неговата изјава дека благо настинал за време на посетата на Иран претходниот ден.
„Во Техеран вчера беше многу топло, плус 38 (Целзиусови степени), а климата беше многу силна таму. Затоа се извинувам“, рече Путин (69).
Меѓународното следење на неговото здравје е засилено во последните месеци. Така дојде до различни интерпретации на неговите фотографии на средбите со странски и руски претставници, на кои тие седат на спротивните краеви на долгите маси како мерка на претпазливост поради mCOVID-19.
Се коментираше и за неговото одење, бидејќи понекогаш изгледаше како да оди вкочането. Директорот на ЦИА Вилијам Барнс беше прашан за ова прашање за време на безбедносниот форум во САД во средата, каде што рече дека Путин изгледа „повеќе од здрав“.
