Американскиот фармацевтски џин Pfizer ја подигна процената за приход од продажба на вакцини против COVID-19 во 2021 година на 37 милијарди долари, благодарение на договорите за продажба на третата доза и вакцинацијата на пошироки простори.
Кон крајот на јули компанијата приходот го оцени на 33,5 милијарди долари. Од Pfizer сега се очекува да испорачаат 2,3 милијарди дози вакцини, за 200 милиони повеќе отколку што очекуваа претходно.
Потврдија дека годинава планираат да произведат 3 милијарди дози.
Разликата во производство и испорака ќе биде прокнижена во приходите во следната година, проценувајќи дека директниот приход од продажба на вакцините е 29 милијарди долари, според договорите склучени до средината на октомври.
Додаваат и дека продолжуваат преговорите со владите за потенцијални дополнителни нарачки во следната година. Проценуваат дека во 2022 година ќе произведат 4 милијарди дози вакцини и ќе испорачаат 1,7 милијарди според договорите склопени до средината на минатиот месец.
Вкупниот приход во оваа година се проценува на 81 до 82 милијарди долари.