Централниот дефанзивец на Барса не може да поверува дека неговиот тим го загуби Ел Класико.
Џерард Пике беше директно инволвиран во првиот гол на домаќините кога од неговата нога ударот на Винисиус го смени правецот и го измами Марк-Андре тер Штеген.
„Реал Мадрид во првото полувреме беше најлошиот Реал против кој сум играл на „Бернабеу“. Пропуштивме шанса да ги треснеме. Мораме да играме многу подобро од она што го прикажавме во вториот дел. Губевме многу топки, а тоа нив им ја подигна самодовербата“
Барса тотално го надигра Реал во првиот дел кога и покрај доминацијата не успеа да постигне гол. Казната стигна во последните двасетина минути од натпреварот кога Каталонците на двапати капитулираа.
Пике беше прашан дали му пречи тоа што загуби од еден таков Реал, на што тој одговори: „Да, тие оставија најлош можен впечаток и не го кажувам ова за да ги критикувам. Сите си имаме пробеми во своите клубови. Но, имам чувство дека ова беше огромна шанса која ја прокоцкавме“.
