Мек МекКланг, кошаркар кој не игра ни во НБА, победи на натпреварот за забивање ноќеска на Ол-стар викендот во Солт Лејк Сити.
Оваа година за титулата најдобар слем-данк во светот се натпреваруваа Кенион Мартин Џуниор (Хјустон Рокетс), Метју МекКланг (Делавер Блу Коутс/Филаделфија 76ерс), Треј Марфи III (Њу Орлеанс Пеликанс) и Џеричо Симс (Њујорк Никс), а победи единствениот од нив кој всушност не е во НБА.
МекКланг во кариерата има играно само на 2 натпревара во НБА лигата и тоа по еден за Чикаго Булс и за Лос Анџелес Лејкерс во минатата сезоан 2021/2022, а 24-годишникот остатокот од професионалната кариера го мина во Џи лигата. Висок е 188 сантиметри.
Во моментов е член на Делавер Блу Коутс, а пред четири дена потпиша двонасочен договор со Филаделфија 76ерс, чиј дрес го носеше на натпреварот во забивање.
МекКланг триумфираше убедливо, а неговото прво забивање беше особено впечатливо кога прескокна двајца мажи, прво ја удри топката од таблата, а потоа со две раце заби од страна.
