Данска го гради најдолгиот подводен тунел во светот, кој ќе ја поврзе со Германија под Балтичкото Море. За неколку години, тунелот Fehmarnbelt ќе го скрати 45-минутното патување со траект на само седум минути со воз.
Цената на проектот е околу осум милијарди долари, а покрај железничкото поврзување, тунелот ќе има и автопат со четири ленти. Не само што ќе биде најдолгиот подводен тунел, туку и најдолгиот железнички тунел во светот.
Данскиот крал Фредерик X го посети градилиштето по повод поставувањето на првиот бетонски сегмент долг 217 метри, а до крајот на проектот ќе има вкупно 79.
Вкупната должина на тунелот ќе биде 18 километри, а се работи за таканаречен „нурнат“ тип на тунел. Ќе биде поставен на дното на Балтичкото Море во ров широк 40 до 50 метри и длабочина од 12 до 15 метри.
Тунелот е клучна компонента на скандинавско-медитеранскиот коридор, транспортна мрежа која се протега на речиси 5.000 километри од Средоземното Море до Финска. Коридорот го преминува океанот и минува низ Алпите, но кога ќе стигне до Скандинавија, теснецот Фемарн ги принудува патниците да заобиколат 450 километри.
Планираната железничка врска ќе го скрати патувањето од Хамбург до Копенхаген од пет на помалку од три часа, а 45 минути со траект ќе трае десет со автомобил и седум со воз.
Сообраќајот во подводниот тунел ќе се одвива преку посебни тунелски цевки, по една за секој правец. Ќе има и лента за застанување, а тунелот постојано ќе го надгледуваат камери од контролен центар во Копенхаген.
