Скоро половина од Русите на возраст меѓу 18 и 45 години не сакаат да имаат деца, а меѓу нив има повеќе жени отколку мажи.
Според истражувањето на аналитичкиот центар на Националниот центар за финансиски истражувања (НАФИ), 46 проценти од граѓаните во оваа возрасна група не планираат да имаат деца, додека 42 проценти имаат намера.
Меѓу оние кои не планираат да имаат деца, има повеќе жени отколку мажи (51 процент во споредба со 41 процент). Младите на возраст од 18 до 24 години се најбројната популација која сака деца, според НАФИ.
Како причини за отсуството на желба за раѓање деца испитаниците ги наведуваат тешката финансиска состојба (24 проценти), отсуството на партнер (15 проценти), лошите услови за домување (12 проценти). Жените наведоа и проблеми со здравјето, возраста и стравот од губење на можностите за кариера.
„Резултатите покажуваат тренд кон планирање на семејството: стабилна финансиска позиција, добра позиција за домување и рамнотежа помеѓу плановите за кариера и семејните обврски станаа клучни фактори во донесувањето одлука за раѓање дете“, рече заменик-директорот на НАФИ, Ирина Гилдебрант.
Анкетата е спроведена кон крајот на август и почетокот на септември на примерок од 1.600 луѓе. Статистичката грешка не е поголема од 3,4 проценти, според НАФИ.
