Полската националистичка опозициска партија Право и Правда (PiS) освои најмногу гласови на локалните избори, но либералната Граѓанска коалиција на премиерот Доналд Туск освои контрола врз неколку регионални собранија.
По пребројувањето на сите гласови, PiS има 34,27 отсто од гласовите и контролира седум од 16-те регионални совети. Граѓанската коалиција, најголемата групaција на полската владејачка коалиција, има 30,59 отсто, но контролира и девет регионални собранија.
Претходно вчера Туск ја призна победата на националистичката опозициска партија, но рече и дека е охрабрен од победите на неговата опција во одредени трки, како што се изборите за градоначалници на Варшава и Гдањск.
Тој ги препиша загубите на слабата мобилизација на младите гласачи и високиот одѕив на поддржувачите на опозициската партија PiS во руралните и источните региони.
„Заклучокот за нас? Да не се жалиме, да се фатиме за работа!“, напиша Туск, кој на крајот на минатата година повторно стана премиер на Полска.
Речиси 30 милиони гласачи одлучуваа за градоначалници на сите места и градови. Тие избраа и членови на 16 регионални собранија, 380 окружни и 2477 локални советници.
