Поранешниот сопруг на Бритни Спирс, Џејсон Александер, синоќа се обиде да ја расипе венчавката на поп-ѕвездата со Сем Асгари во нејзиниот дом во Таузенд Оукс, Калифорнија, што ја принуди полицијата да интервенира.
Александер бил попречен од обезбедувањето на настанот пред да се појават полицајците, според TMZ.
Поранешниот сопруг на Бритни го пренесувал својот упад во живо на Instagram, пристигнувајќи во нејзиниот свадбен шатор.
Во видеото тој разговара со членовите на обезбедувањето на настанот, кажувајќи им дека Бритни го поканила на свадба. Откако дал отпор, се заканил дека ќе ѝ го уништи големиот ден. Дошло до физичка пресметка пред да му замрзне телефонот и да му го прекине преносот.
„Џејсон Александер е приведен и уапсен. Ја изразувам мојата благодарност до Одделот на шерифот на округот Вентура за нивната брза реакција и добрата работа“, рече адвокатот на Спирс, Метју Розенгарт.
„Тесно соработувам со органите за спроведување на законот за да се осигурам дека Александер е агресивно гонет во целосна мерка на законот“, додава поранешниот федерален обвинител.
Според Page Six, пејачката била особено потресена од инцидентот, но не сакала да дозволи тоа да остави дополнителни последици.
Иако Александер изрази јавна поддршка за пејачката за време на нејзината контроверзна битка за прекин на старателството, а особено што присуствуваше на неколку митинзи #FreeBritney - тој претходно ги прогонуваше членовите на нејзиното семејство.
Роднините на Бритни биле „вознемирени“ откако дознале дека Александер ненајавено ги посетил нивните домови во јануари.
Тој, исто така, се појави на имотот Serenity на мајката на Бритни, Лин Спирс, во Кентвуд и објави две видеа и фотографија од надворешноста на неговиот приватен профил на Instagram.