Портпаролот на рускиот претседател Владимир Путин, Дмитриј Песков, е хоспитализиран откако е тестиран позитивен на коронавирусот.
„Да, се разболев. Се лекувам”, изјави Песков за руските медиуми.
Песков е уште еден висок руски функционер кој е заразен од вирусот. Претходно, рускиот премиер Михаил Мишустин исто така се зарази со новиот коронавирус во крајот на април.
Заболени од вирусот се и министерката за култура Олга Љубимова и министерот за градба, Владимир Јакушев.
Ова е објавено само ден откако Путин изјави дека Русија успеала да го намали процентот на инфекции и најави ублажување на некои од рестриктивните мерки и рестрикции воведени за да се намали темпото на епидемијата.
