Пожарот под планинскиот превој Плетвар e сè уште активен на двете страни од патот Прилеп – Градско, соопшти Центарот за управување со кризи.
Од таму информираат дека гори сува трева и нискостеблеста мешана шума, а во гасење интервенираат пожарникари од Прилеп, вработени од ШС „Црн Бор“ и од ДЗС Прилеп.
Активен пожар има кај село Долгаец и на истиот интервенираат вработени од ШС „Црн Бор“ од Прилеп и лица од Ловечкото друштво „Црнилишта“.
Од ЦУК информираат дека во општина Битола, активен е пожарот во месноста Кравица на планината Ниџе. Гори борова шума во тешко пристапен терен.
Пожарот во атарот на село Фурка, со правец на ширење кон Дојран, исто така, сè уште е активен. Со пожарот е зафатена нискостеблеста мешана шума од прнар, смреки и габер на тешкопристапен терен. Во негово гасење интервенираат вработени од ШС „Кожув“ – Гевгелија.
Во општина Крива Паланка пожарот во атарот на село Баштево е локализиран. Опожарена е површина со нискостеблеста борова и мешана шума.
