Премиерата на научно-фантастичниот трилер „Tenet“ на Кристофер Нолан е уште еднаш одложена. Ова е трета одложена премиера на филмот.
Првично, премиерата беше закажана за 17 јули, па одложена на 31 јули и потоа за 12 август. Новиот датум не е познат, но од Warner Bros. соопштија дека наскоро ќе соопштат на нов датум. Продуцентите на филмот истакнаа дека пандемијата на коронавирус ја наруши филмската индустрија и поради тоа сакаат да почекаат со премиерното прикажување на овој филм.
„Наскоро ќе го објавиме новиот датум на премиерата на „Tenet“. Нашата цел е да обезбедиме најголем успех за нашиот филм, а воедно сакаме да им дадеме поддршка на кината ширум светот со нова содржина, штом ќе има услови за отворање“, истакнуваат од студиото.
Според пишувањето на Variety, постои и опција филмот да биде прикажан во Европа пред да доживее премиера во САД. Неговата прва премиера не би морала да биде светска премиера, туку адаптирана во различни делови во светот, зависно од ситуацијата во даден момент.
