Претпазливо се тргува на светските берзи, скок на Волстрит

На Волстрит цените на акциите пораснаа и минатата недела, втора по ред, додека тргувањето беше попретпазливо на другите најголеми берзи во светот, бидејќи поради високата инфлација можно е дополнително заострување на монетарната политика.

На Волстрит, Dow Jones минатата недела зајакна 0,7 отсто, на 34.283 поени, додека S&P 500 зајакна 1,3 отсто, на 4.415 поени, а индексот Nasdaq за 2,4 отсто, на 13.798 поени.

Откако цените на акциите силно пораснаа пред една недела, благодарение на верувањето на инвеститорите дека циклусот на зголемување на каматните стапки е завршен, светските берзи минатата недела се тргуваа повнимателно.

Инвеститорите беа поколебани од претседателот на ФЕД, Џером Пауел, кој во четвртокот рече дека е можно дополнително заострување на монетарната политика.

На состанокот на Меѓународниот монетарен фонд Пауел изјави дека е задоволен од слабеењето на инфлацијата, но дека не е сигурен дека ФЕД направил доволно.

„ФЕД е решен да постави доволно рестриктивна монетарна политика за да ја намали инфлацијата на целното ниво. Сè уште не сум сигурен дека сме го постигнале тоа“, рече Пауел.

Аналитичарите велат дека Пауел ги ставил инвеститорите во состојба на готовност.

„Пауел зазеде цврст став. Тој му кажа на пазарот дека борбата против инфлацијата сè уште не е добиена и ако тоа го бара економската ситуација, тој нема да се двоуми дополнително да ги зголеми каматните стапки“, објаснува Питер Кардило, економист во Spartan Capital Securities.

Покрај Пауел, многу други функционери на ФЕД сигнализираа дека е можно уште едно зголемување на каматните стапки, имајќи предвид дека инфлацијата останува далеку над целта на ФЕД од 2 отсто.

И покрај овие пораки, повеќето аналитичари сметаат дека тоа нема да се случи. Сепак, тие проценуваат дека ФЕД би можел да ги задржи каматните стапки на покачени нивоа подолго од претходно очекуваното.

Поради ова, тргувањето беше претпазливо во текот на целата недела.

Неделниот раст на Волстрит е благодарение само на скокот на цените на акциите на технолошките гиганти, како Microsoft, Meta и Nvidia, на крајот на неделата.

„Во средина на високи каматни стапки и забавување на економскиот раст, инвеститорите веруваат дека најдобро е капиталот да се префрли на акциите на технолошките гиганти“, рече Рик Меклер, партнер во Cherry Lane Investments.

И на повеќето европски берзи цените на акциите паднаа. Лондонскиот FTSE индекс се лизна минатата недела за 0,8 отсто, на 7.360 поени, а париски CAC 0,1 отсто, на 7.045 поени. Франкфуртски DAX зајакна, пак, за 0,3 отсто, на 15.234 поени.

Тагови
реклама

Ангелов бара кружен тек кај збунувачката крстосница со чести сообраќајки во Аеродром

Read more

Тројца исчезнати туристи во Грција најдени мртви

Read more

Тешки бетонски блокови пред паѓање висат од тераса спроти Владата, предупредува ЦУК

Read more

Кои раси на кучиња живеат најдолго?

Read more

Бизнис

Голем скок на цените на нафтата

Read more

Европските и американските берзански индекси се претежно во пораст, цената на нафтата и златото падна

Read more

Рекорден пад на цените на нафтата

Read more

Зголемени капацитетите на енергија од ветер и сонце во ЕУ

Read more
 

Вести

  • play_arrow

Трамп го прозва Бајден на когнитивен тест, па направи гаф во следната реченица

Читај повеќе

Киев: Русија ги засили нападите за време на мировната конференција во Швајцарија

Читај повеќе

Тројца исчезнати туристи во Грција најдени мртви

Читај повеќе

Голем скок на цените на нафтата

Читај повеќе

Топло време со максимални 36°C

Читај повеќе
  • play_arrow

Ангелов бара кружен тек кај збунувачката крстосница со чести сообраќајки во Аеродром

Читај повеќе

Тешки бетонски блокови пред паѓање висат од тераса спроти Владата, предупредува ЦУК

Читај повеќе

Дете искасано од улично куче во Долно Лисиче

Читај повеќе

Златна рамка од 18 до 20 јуни во МКЦ: Нови македонски филмови, презентации, трибини

Читај повеќе