Граѓанската иницијатива „5 до 12“ следните два дена најави дека ќе кампува во паркот Жена-борец, спроти Собранието.
Лицата со попреченост, нивните родители и пријатели по третпат ќе се обидат да испратат апел до функционерите да преземат мерки со кои ќе им биде олеснет животот.
Во граѓанската иницијатива учествуваат голем број здруженија на пациенти или лица со попреченост.
Вчера во паркот Жена Борец и пред Собранието тие поставија знаменца со нивната иницијатива, а за денеска изјавија дека им било најавено дека ќе се видат со министерката за труд и социјална политика Мила Царовска.