Рускиот енергетски гигант Газпром вчера соопшти скок на профитот и приходите во 2021 година, како одраз на ниската споредбена основа во 2020 година, првата година од пандемијата, и зголемувањето на цените на природниот гас за време на закрепнувањето на економијата од кризата со Ковид.
Нето добивката на Газпром во 2021 година била повеќе од 15 пати поголема од 2020 година, скокајќи на 2,1 илјади милијарди рубли (27,5 милијарди евра). Приходите се зголемиле за 62 отсто на 10,2 илјади милијарди рубли.
Цените на гасот нагло пораснаа во втората половина од минатата година, поттикнати од бранот побарувачка што го поттикна закрепнувањето на економијата од пандемиската криза и ниските залихи пред зимската грејна сезона.
Газпром го заврши гасоводот Северен поток 2 кон крајот на минатата година, кој требаше да ги удвои испораките на гас за Германија, но процесот на издавање дозволи закочи, така што Берлин ќе се откаже од него оваа година, по руската инвазија на Украина.
Во меѓувреме, Европската Унија воведе остри санкции кон Русија, блокирајќи го нејзиниот пристап до меѓународниот платен систем и разговара за ембарго на руската нафта. Некои членки, на чело со Полска, бараат прекин на купувањето руски гас.
