Прв трејлер за биографскиот филм за групата Queen: „Bohemian Rhapsody“
Биографскиот филм за групата Queen доби прв трејлер, а во него можете да го видите Рами Малек („Mr. Robot“) во улогата на култниот фронтмен на бендот, Фреди Меркјури.
Приказната на „Bohemian Rhapsody“ ќе ги следи случувањата околу формирањето на бендот и нивното достигнување на светска слава, но ќе се позанимава и со личните проблеми на членовите на бендот.
Филмот ќе биде под режисерската палка на Декстер Флечер, а покрај Малек во филмот се појавуваат уште и Бен Харди, Гвајлим Ли и Џозеф Мазело. Премиерата е закажана за 2 ноември 2018 година.