Вооружен напаѓач уби најмалку 13 лица, а рани 20 во напад на училиште во централна Русија. Итната помош и безбедносните служби веќе се пристигнати на местото на настанот во градот Ижевск, пренесе BBC.
Најмалку 13 лица, меѓу нив и деца, загинаа во престрелка што се случи утринава во училиште во Ижевск, Русија. Бројот на жртви и повредени расте, а во тамошните медиуми веќе се откриени идентитетите на убиените деца.
Станува збор за училиште со скоро 1.000 ученици и 80 наставници. Напаѓачот наводно се самоубил, а мотивот за пукањето е непознат.
Пукањето почнало за време на училиштен час, кога непознат маж облечен во црно влегол во училница и почнал да пука. Според досегашните информации, ранети се 20 лица.
„Вооружениот маж влегол во училиште, го убил работникот задолжен за обезбедување. Меѓу жртвите има и деца“, изјави претседателот на Удмуртија, Александар Бречалов.
Социјалните мрежи веќе се преполни со снимки и фотографии направени пред училиштето, каде има голем број припадници на безбедносните сили.
Училиштето се наоѓа во центарот на Ижевск, главниот град на руската република Удмуртија, со околу 650.000 жители.