овредени се неколку лица во вооружената престрелка во парламентот на Иран. Точниот број на повредени лица не е утврден, но се знае бројот на напаѓачите. „Тројца напаѓачи во парламентот на Иран, засега се повредени две лица. Престрелката трае“, објави новинската агенција Тасним на Twitter.
Агенцијата исто така објави дека во тек е заложничка криза и дека еден од напаѓачите е уапсен, но овие информации официјално не се потврдени.
Од друга страна, агенцијата ФАРС пишува дека еден од напаѓачите почнал да пука кон обезбедувањето. Агенцијата тврди дека се повредени двајца цивили и еден чувар на Исламската револуционерна гарда, додека еден азилант бил уапсен во ходникот на парламентот додека се обидувал да побегне.
Набргу по нападот во парламентот се случил уште еден инцидент во мавзолејот на имамот Хомеини каде исто така дошло до невини жртви.
Иранската државна телевизија на својата интернет страница објави дека четворица терористи, вклучувајќи и бомбаш самоубиец, го нападнале мавзолејот на некогашниот лидер, ајатолахот Хомеини. Според овој извор, чуварите застрелале еден од напаѓачите, а за време на нападот била уапсена и една жена. Потоа еден од напаѓачите се разнел активирајќи експлозивна направа.