Владимир Путин (71) е во врска со историчарката на уметност Јекатерина Михајловна Мизулина, позната како Катја. Таа е 32 години помлада од него.
„Катја Мизулина во потполност е по вкусот на Путин. Овој тип на барби девојки отсекогаш му одговарал. Путин има 71 година, да немаме предрасуди бидејќи е стар. Општо земено, тој е во полна сила, зошто да не биде со неа“, саркастично вели руската активистка за човекови права, Олга Романова.
Јекатерина се школувала во Обединетото Кралство. Сега ја предводи Лигата за побезбеден интернет (Лига безопасного интернета), која ѝ помага на руската влада да спроведе цензура врз критичарите на Путин, особено кога станува збор за војната во Украина.
Лигата за побезбеден интернет работи под маската на заштита на децата. Поради своите активности, таа се наоѓа на листата на санкции на Европската Унија од јануари годинава.
Меѓу другото, Јекатерина побара укинување на сите неруски социјални мрежи. Таа е ќерка на Јелена Борисовна Мизулина, пратеничка во рускиот сенат.
Романова претходно откри дека Путин се забавува со милијардерката и сопственичка на стриптиз клуб Светлана Кривоног. Путин се поврзува и со поранешната гимнастичарка Алина Кабајева. Се верува дека имаат две или три деца. Во 2014 година, претседателот на Русија се разведе од Људмила Очеретнаја, со која помина 30 години. Со неа има две ќерки - Марија и Катерина.
