Манчестер Јунајтед ја активираше клаузулата во договорот на Пол Погба во октомври, што го врзува за „Олд Трафорд“ и следната сезона, но благодарение на неговиот агент Мино Рајола, секогаш се шушка за трансфер на Французинот.
Погба пристигна во Манчестер во 2009 година како 16-годишник, но веќе во 2012 година замина во Јувентус без обештетување по само седум кратки настапи за првиот тим. Четири години подоцна, Јунајтед плати 105 милиони евра за неговото враќање, што беше светски рекорд во тоа време.
Сер Алекс Фергусон рече дека тоа е Рајола „му ја наполнил главата“ на Погба за заминување и го изманипулирал, а агентот му возврати во интервју за The Athletic, не бирајќи зборови за да покаже колку го презира легендарниот Шкотланѓанец.
„Критиките на Фергусон ми се најубавиот комплимент Тоа е како Сеп Блатер да рече дека не ме сака. Фантастично! Не ми е гајле што ќе каже Фергусон. Навикнат е да е опкружен со луѓе кои му одговараат со ‘Да, господине“, рече тој.
Рајола тврди дека во 2012 година сакал Погба да остане на „Олд Трафорд“ и дека настаните што следуваа само покажаа дека тој е во право.
„Кога Фергусон замина, Јунајтед повторно го купија Погба и така ми покажаа дека сум во право. Не сакав Погба да си замине, но Фергусон не веруваше во него“.
Контроверзниот и гласен Италијанец, кој се грижи и за кариерите на Златан Ибрахимовиќ, Ерлинг Холанд и Џанлуиџи Донарума, воопшто не му пречи што со бомбастичните изјави си го расипал односот со клубот.
„Не ми е гајле ако никогаш повеќе не соработувам со Манчестер Јунајтед. Јас не сум во нивни раце, јас сум независен. Имаме само една страна за која се грижиме, а тоа се играчите. Ако тие нè сакаат, правиме сé што е потребно за нив“, објасни Рајола.
