Американски аналитичари направиле пресметка дека ракетата на Северна Кореја, во случај да е вистина дека Hwasong 15 навистина би можелa да стигне до било која точка на територијата на САД, би предизвикала значајна штета.
Бројот на загинати би изнесувал околу 500.000 луѓе.
За овие пресметки аналитичарите искористиле бомба со јачина од 250 килотони, која во случај да падне во центарот на Вашингтон би ја уништила Белата куќа, Конгресот, како и сите останати објекти кои се наоѓаат во близина.
Во тој случај би загинале 413.000 луѓе, додека уште 527.000 би страдале нешто подоцна.
Едноставно, се проценува дека сите оние кои би се наоѓале во тој момент во центарот на градот, во случај севернокорејската ракета да го погоди Вашингтон, не би имале никакви шанси да преживеат.
Северна Кореја кон почетокот на оваа недела ја лансираше својата најнапредна ракета досега, која според пишувањата на тамошните медиуми, може да стигне до американското копно.
По тој повод се огласи и американскиот претседател Доналд Трамп кој вети дека ќе ја спречи Северна Кореја да ја оствари способноста да го погоди американското копно со нуклеарна ракета и дека ако е неопходно ќе употреби и воена сила.
