Бразилскиот Роналдо ги одбра најдобрите единаесетмина на сите времиња според него. Славниот двократен мундијалски освојувач и себеси се стави во најдобриот тим.
На гол го стави Џанлуиџи Буфон, против кого играше и во Калчото и во Лигата на шампионите. На бековските позиции ги одбра неговите колеги од репрезентацијата, Кафу и Роберто Карлос. На стоперските позиции се одлучи за двајцата протагонисти на катанаџото - Паоло Малдини и Фабио Канаваро.
Во средниот ред ги одбра Зинедин Зидан, Пеле и Диего Марадона. Токму Пеле и Марадона се единствените што не се од неговото време.
Неговиот идеален напад го сочинуваат Лионел Меси, Кристијано Роналдо и токму самиот тој - Луис Назарио џи Лима Роналдо.
Роналдо денес има 47 години. Кариерата ја почна во младинскиот погон на Саун Кристоваун, а потоа на сениорско ниво настапуваше за Крузејру, ПСВ, Барселона, Интер, Реал Мадрид, Милан и Коринчјанс.
За Бразил одигра 98 натпревари и постигна 62 гола, а се закити со титулите од Мундијалите во 1994 и 2002, како и Копа Америка во 1997 и 1999.
Иако беше дел од Галактико генерацијата на Реал Мадрид, никогаш во кариерата не успеа да ја освои Лигата на шампионите.
