Торино, 4 април 2018 (МИА) – Кристијано Роналдо синоќа доби овации од навивачите на Јувентус за прикажаната игра и двата гола во триумфот на Реал Мадрид со 3:0 во првиот четвртфинален дуел од Лигата на шампионите.
Фановите на италијанскиот шампион му аплаудираа на Португалецот по вториот гол кој беше постигнат со ножички, а тој по натпреварот им се заблагодари.
-Тоа што го направија за мене е неверојатно. Никогаш во кариерата не му се случило вакво нешто. Пресреќен сум. Само ќе кажам „Грацие“ (благодарам), изјави ѕвездата на Реал.
Роналдо е првиот фудбалер во ЛШ кој постигнал гол на 10 последователни натпревари.
