Португалскиот фудбалер Кристијано Роналдо објави фотографија со новородената ќерка, а објавата за два часа има скоро 7 милиони лајкови.
Семејството на фудбалерот неодамна доживеа трагедија откако во текот на породувањето со близнаци Георгина Родригес на свет донесе девојче, додека почина нивниот новороден син. И додека фудбалерот и најблиските закрепнуваат од тешката трагедија, се е полесно покрај девојчето кое за среќа преживеа.
Роналдо денес објави фотографија која за кратко време доби скоро 7 милиони лајкови за два часа.
„Засекогаш љубов“, напиша во описот фудбалерот на Манчестер Јунајтед, додека новородената ќерка му е во рацете.
Роналдо по трагедијата го пропушти натпреварот против Ливерпул што се одигра 24 часа откако тој го доживеа најтешкиот момент во животот. Јунајтед му дозволи колку што сака време за враќање, но тој во игра се врати по само неколку дена.
