Русија повлече уште 30 борбени авиони од Сирија, вклучително и сите „Су-25“, објави руското Министерство за одбрана, предупредувајќи дека затишјето во северната покраина Алепо, што требаше да започне на 3 мај, го загрозуваат нападите на џихадистичката група Џебхат ан-Нусра, сириското крило на Ал Каеда.
„Планирано е привременото примирје во Алепо и неговите предградие да трае 24 часот и да се продолжи за уште за уште два дена“, изјави портпаролот на руското министерството за одбрана, Игор Конашенков.
Опозициската Сириска опсерваторија за човекови права (SOHR) со седиште во Лондон, објави дека повеќе десетици луѓе загинале во бунтовничките бомбардирања на болница и родилиште во западен Алепо, квартови кои се под контрола на силите на претседателот Башар ал-Асад, како и во борбите меѓу сунтиските бунтовнички сили и владината војска, додека областа Источна Гута источно од главниот град Дамаск по истокот на примирјето е под воздушни удари.
SOHR и борците од двете страни даваат спротивни изјави за исходот од борбите кои започнаа рано во вторникот во областа на западно Алепо. Бунтовниците велат дека успеале да преземат дел од територијата под контрола на армијата, додека сириската и руската команда јавија дека нападите се одбиени.
Директорот на SOHR Рами Абделрахман тврди дека десетици луѓе се убиени на двете страни, во, како што истакнува, најинтензивните борби во последната година дена. Владините сили притоа, потврдија дека ја имаат поддршката од локалните милиции и од либанското шиитско движење Хезболах.
Областа источно од Дамаск, која е под контрола на бунтовниците, но не се прецизира за кои бунтовнички групи станува збор, е под воздушни удари откако затишјето што го прогласи владата истече на полноќ.
