Северна Кореја вели дека има проблем со избивање на неидентификувана цревна болест со што се забавува борбата против ширењето на коронавирусот во земјата.
Лидерот Ким Џонг Ун нареди да се спроведат мерки на карантин, соопшти новинската агенција KCNA.
Се наведува дека во среда е испратен лек во градовите за да им се помогне на пациентите кои страдаат од цревно заболување. Здравствените експерти се сомневаат дека неидентификуваната цревна болест може да биде тифус или колера.
Северна Кореја прогласи вонредна состојба во мај, кога земјата соопшти дека милиони луѓе имаат грозница. Од крајот на април во земјата има пријавено 4.56 милиони случаи на заболени, односно над 20.000 нови случаи само во текот на вчерашниот ден.
Бројот на смртни случаи поврзан со епидемијата е 73, соопштија од владата, но од Светската здравствена организација стравува дека ситуацијата е полоша.
