Реал Мадрид и Шпанија ги тресе голем скандал бидејќи најскапиот тинејџер на сите времиња, Ендрик, е осомничен дека е постар отколку што покажува неговиот извод од матична книга на родените - 17 години.
Темата ја покрена од поранешниот скаут на Реал и специјалист за регионот Каталонија, Маноло Ромеро, а за неа пишуваат сите шпански медиуми, вклучително и Marcа.
„Секогаш се сомневав во Ендрик и дали тие години се точни. Веројатно затоа што изгледаше физички посилен. Секогаш мислам на Радамел Фалкао кој дојде во Европа постар отколку што мислеа сите“, изјави Ромеро за радиото Cadena SER.
Да потсетиме, Фалкао е роден во 1986 година, но подоцна беше откриено дека е две години постар, што Колумбиецот негираше.
Сепак, неколку извори во неговата татковина ги демантираа неговите наводи, а сега низ истото поминува и Ендрик, момчето родено 2006 година, кое кралскиот клуб го забележа на само 16 години кога ги одигра првите натпревари за Палмејрас.
Иако моментално е платен 35 милиони евра, трансферот преку бонуси може да порасне до цели 60 милиони.
Тој треба да му се приклучи на Реал од летото следната година, кога ќе стане полнолетен, а дотогаш ќе се кали во Палмејрас, за кој на 44 натпревари има постигнато 10 голови.