Изјавата на шефот на државата Ким Џонг Ун за „големата криза“ укажува на избувнувањето на пандемијата со COVID-19 и во оваа изолирана земја. Но, постојат и други објаснувања.
До денес, Северна Кореја не пријавила ниту една инфекција со корона до Светската здравствена организација (СЗО).
Но, некои експерти се сомневаат, со оглед на долгата граница со Кина и слабиот здравствен систем, дека оваа земја не може да спречи навлегување на вирусот. Режимот во Пјонгјанг го означи сузбивањето на COVID-19 како „прашање на национален опстанок“ и, од јануари 2020 година, забрани влез на туристи, ги изолираше дипломатите стационирани во земјата и ја ограничитрговијата со Кина. Во средината на јуни, лидерот Ким Џонг Ун одлучи дека треба да се продолжат одбранбените и заштитните мерки.
Шефот на државата на седницата на проширеното Политбиро на 29 јуни рече дека „тежок случај“ предизвикал „голема криза“ што „ја загрозува безбедноста на населението и земјата во напорите да се сузбие епидемијата“. Извештајот на државната новинска агенција КЦНА ги поттикна странските шпекулации дека вирусот се проширил на делови од земјата. Според јужнокорејските информации, Политбирото на северниот сосед е задолжено за проверка на антивирусните мерки.
Како што истакна, главниот фактор е „недостаток на способност и неодговорност на персоналот“.
Извештајот на КЦНА, сепак, не го опишува детално „тешкиот случај“. Затоа аналитичарите поинаку ја толкуваат изјавата на Ким.
„Високи функционери занемарија имплементација на важни одлуки во врска со светската здравствена криза и со тоа предизвикаа голема криза во гарантирање на безбедноста на државата и народот“, објасни Ким.
Некои набљудувачи во Јужна Кореја го толкуваат ова како индикација за голем број случаи на инфекција со коронавирус.
„Се чини дека голем проблем со антивирусната кампања се појави во градовите Синују и Хиесан на границата со Кина“, рече Чеонг Сеонг-чанг, директор на Центарот за севернокорејски студии на Институтот Сејонг во Сеул.
Државниот врв никогаш не признал никому дека се случил потежок бран на короната, изјави за агенцијата АП Хонг Мин од Корејскиот институт за национално обединување во Сеул. Со оглед на тоа што владините лидери беа јавно прекори, мораше да се случи нешто големо.
Други аналитичари сметаат дека со давање изјава за „големата криза“, Ким всушност сака да моли за странска помош. Во итни ситуации, ако сака, Северна Кореја може да смета на Пекинг, рече портпаролот на Министерството за надворешни работи на Кина, Ванг Вениб, на 30 јуни, без да спомене за испорака на вакцини.
Во првата половина на годината, Северна Кореја требаше да прими 1,7 милиони дози вакцина АстраЗенека преку програмата Ковакс за земјите во развој. Но, според јапонски извори, испораката била одложена, бидејќи Северна Кореја не ги почитувала прописите на и сакала да избегне контакти со странци.
Доколку вирусот навистина се проширил во земјата, тоа може да биде тежок удар за режимот. Строгата блокада од почетокот на пандемијата дополнително ја ослабна економијата, која веќе стенка под меѓународните санкции и последиците од тајфунот минатата година.
Поради тоа, според набљудувачите на Daily NK, интернет портал од главниот град на Јужна Кореја, Сеул, имало големи осцилации на девизниот курс и цените на храната. Од почетокот на пандемијата, севернокорејскиот вон ослабе во однос на американскиот долар за 30 проценти, а во однос на кинескиот јуан за 40 проценти. Севернокорејските бегалци во Јужна Кореја велат дека цените на храната скокнале три до десет пати.
Според американскиот аналитичар Вилијам Браун, стабилноста на валутата досега беше одлика на владеењето на младиот лидер Ким. Затоа, „острите амплитуди“ на цените и девизните курсеви можат да донесат со себе ризик од зголемување на нивото на јавен очај. „Од одредена точка, инфлацијата може да стане многу поголем непријател на стабилноста од САД“, напиша Браун во анализата за севернокорејската програма 38 North на американскиот тинк-тенк Stimson Center.
За девет и пол години од владеењето на Ким Џонг Ун, севернокорејската економија никогаш не морала да се справува со вакви тешкотии. Критиката на Ким кон неспособните службеници можеби е подготовка за чистка на теренот. Во извештајот на КЦНА, исто така, се наведува дека Ким во вторникот побарал „пожестока партиска кампања против идеолошки грешки и сите видови негативни елементи“.
Можеби предупредувањето за кризата треба да ја „заостри внатрешната дисциплина“, шпекулира службеникот на Министерството за обединување во Сеул.
Политбирото се занимаваше и со избор на нови членови, како и секретар на Централниот комитет. Експертот за Чеонг од Институтот Сејхонг известува дека Џо Јонг-фон ја изгубил својата позиција. Тоа може да биде жесток рез во хиерархијата, со оглед на тоа што набљудувачите на Џо го гледааа како можен број 2, веднаш зад Ким.
Сепак, шефот на државата би можело да биде заменет и од премиерот Ким Ток-хун, со цел да ја покаже својата моќ. Иако економскиот експерт беше назначен на позицијата премиер дури во август минатата година.