Студентите од KTH Royal Institute of Technology во Стокхолм пронајдоа паметно решение со кое возилата на полицијата, пожарникарите и брзата помош полесно ќе им ставаат до знаење на другите учесници во сообраќајот дека се наоѓаат во нивна непосредна близина.
Познато е дека многу возачи не ги забележуваат возилата на брзата помош поради што навреме не им се дава првенство во сообраќајот. Студентите од KTH Royal Institute of Technology имаат нов систем фокусиран на возачите и нивното возило. Според тој систем возилата на брзата помош ќе испраќаат посебни сигнали со кои веднаш ќе се гаси музиката на радио приемниците во автомобилите и ќе се испраќа известување дека се приближува возило на брза помош.
Имплементацијата на овој систем би влијаел на намалувањето на бројот на сообраќајки како и побрза интервенција со тоа што возачите навреме ќе бидат известени дека мораат да ги пропуштат возилата со првенство.
Системот Evam е осмислен од 23-годишен студент и веќе е имплементиран во амбулантни возила и во пожарникарски возила во Стокхолм, со планови да се прошири низ целата земја во текот на годината, пишува Telegraph.