Иако многу нешта во серијата „Sex and the City“ беа нелогични и нереални, како ефтината кирија за станот на Кери и нејзиниот скап лајфстајл што не би можела да си го дозволи на таа плата, приказните и случни во серијата се базирани на вистински настани.
Во неодамнешно интервју за IMDB Синтија Никсон, која ја глумеше Миранда, откри дека сите приказни и случки во серија, дури и најлудите, се базирани на вистински настани.
„Сценаристите на серијата имаа правило кое велеше дека не може да се стави во епизода нешто што не им се случило на нив, или на некој што го знаат лично. Не можеше да биде нешто што го кажал чевларот на братот на таткото на некој што го знаеш“, вели актерката.
Што значи дека сите луди приказни, особено сексуалните, навистина се случиле на некој што го знаеле.
Една од сценаристите на серијата, Лиз Тучило, додава на темата дека најинтересниот дел од работата на „Sex and the City“ биле моментите кога сценаристите разменувале приказни за сексуалните животи - своите и на луѓе што ги знаеле, кои би можеле да бидат вметнати во приказната.
