Силна снежна бура денеска ја погоди Москва, а повеќе од 60.000 комуналци и 13.500 возила со специјална опрема дење и ноќе ги чистат улиците и носат снег на места каде што се топи, прочистува и фрла во реки.
На овој начин комуналните служби во Москва се обидуваат да спречат можен колапс, бидејќи се очекува до денеска да паднат повеќе од 35 сантиметри снег, а висината на снежната покривка до понеделник да биде повеќе од половина метар.
Времето е многу студено, возачите не можат да ги контролираат возилата на мразот, а повеќето московјани, кои утрово тргнаа на работа со автомобил, доцнеа на својата дестинација, пренесуваат локалните медиуми.
Поради мразот и намалената видливост, возачите се повикуваат да бидат претпазливи, да не возат брзо и да држат растојание. Улиците се завеани, комуналните служби постојано работат, а сообраќајот се одвива бавно и отежнато.
Во градот постојано работат 56 стационарни „топилници“, како и 38 подвижни „топилници“ на снег – специјални возила што го топат и прочистуваат снегот „во од“. По улиците постојано поминуваат вакуумски машини и мала механизација, како и „тешка механизација“.
Механизирано се топи и мразот на улиците и тротоарите, а снегот се носи на посебни депонии.
Последен пат во Москва олку снег имало во 2018 година, а невремето овој пат го донесе балканскиот циклон „Волкер“. Домашните и странските медиуми веќе ја нарекуваат состојбата „снежна апокалипса“.
Moscow residents enjoy snow dayMoscow residents enjoy snow day! https://en.royanews.tv/news/25471/2021-02-12 (Source: AFP)
Posted by Roya News English on Friday, February 12, 2021