Сопругата на Канје Вест, Бјанка Сенсори, на новите фотографии од Италија носеше еден од нејзините најлуди комбинации до сега, а за прошетката се одлучи за целосно проѕирен горен дел и хеланки кои правеа да изгледа како да нема ништо на себе.
На Бјанка на одморот во Италија ѝ се придружи нејзиниот сопруг Канје Вест, а парот веќе некое време шокира со модните изданија. Сенсори стана препознатлива по тесните и проѕирни парчиња, а во неколку наврати беа видени како одат боси.
На новите фотографии парот е забележан на штанд за брза храна. Поранешниот сопруг на Ким Кардашијан и неговата нова сопруга самоуверено чекореа по тротоарот, облечени во многу различни комбинации.
Канје прилично се наоблече за оваа пригода и покрај жешкото италијанско сонце и беше во слоеви црна облека. Тој се одлучи за предимензионирана јакна со широки црни панталони, а околу главата обви дебел џемпер.
Сенсори носеше проѕирен горен дел и хеланки, кои ги спои со бели потпетици. Со оглед на тоа што изгледаше како да се шета целосно гола, ова модно издание го навлече гневот на локалното население во Италија.
Италијанците се огласија на социјалните мрежи за да го изразат своето незадоволство од Бјанка, а еден од коментарите гласеше: „Како би било полицијата во секоја земја да го апси секој што е гол? Тоа се вика непристојност... Уморни сме од присилувањето да гледаме голи жени и треба да биде незаконски децата да го гледаат ова“.
„Се надевам дека Италија ќе ги избрка и двајцата од земјата. Не им треба овој пар да ја загадува“, „Ова е тотално непочитување на конзервативната католичка култура, Италијанците требаше да ги избркаат“, гласат дел од реакциите на облеката на славната двојка.